“Барселона”нинг собиқ ҳужумчиси, ҳозирда клубнинг спорт бўлимида фаолият юритаётган Божан Кркич Чемпионлар лигаси қуръаси ҳақида фикр билдирди. 1/8 финалда каталонияликлар “Ньюкасл”га қарши майдонга тушади. Бу ҳақда euro-football.ru хабар беради.
Кркичнинг таъкидлашича, жамоа аввало ўз ўйинига эътибор қаратиши керак. “Ньюкасл”ни у кучли рақиб сифатида тилга олди ва “Барселона” бу жамоа билан жорий мавсумда аллақачон тўқнаш келганини эслатди. Унингча, учрашувга тўғри ҳолатда келиш муҳим, бироқ ҳозир асосий эътибор Ла Лига ҳамда Испания кубогидаги навбатдаги баҳсларга қаратилган.
“Футболда энг муҳим ўйин — кейингиси. Футболчиларимиз жуда қаттиқ ишлаяпти, кайфиятимиз яхши”, — деди Кркич УЕФА матбуот хизматига.
“Ньюкасл” ва “Барселона” ўртасидаги дастлабки учрашув 10 март куни Англияда бўлиб ўтади. Жавоб баҳси 18 март куни “Камп Ноу”да ўйналади.
“Zamin”ни Telegram'да ўқинг!
