«Пари Сен-Жермен» бош мураббийи Луис Энрике Чемпионлар лигаси 1/8 финалига қуръа ташлаш натижаларига муносабат билдирди. Бу ҳақда euro-football.ru хабар беради.
Парижликларнинг навбатдаги рақиби «Челси» бўлди. Жамоалар охирги бор июль ойида Клуб жаҳон чемпионати финалида тўқнаш келган, ўшанда лондонликлар француз грандни йирик ҳисобда мағлуб этганди — 3:0.
«Ҳеч қандай реванш кайфияти йўқ. Аммо инглиз жамоаларига қарши ўйинлар ҳар доим жуда кучли мотивация беради. Клуб жаҳон чемпионатидан бери кўп нарса ўзгарди — ҳозир вазият бутунлай бошқа», — дея Луис Энрикенинг сўзларини келтиради Topskills Sports UK.
ПСЖнинг уй учрашуви 11 март куни ўтказилиши режалаштирилган. Жавоб баҳси эса 17 март куни Англия пойтахти Лондонда бўлиб ўтади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
