ПСЖ дарвозабони Матвей Сафонов навбатдаги зафарли ўйиндан кейин фикр билдирди. Франция чемпионатининг 24-турида парижликлар сафарда “Гавр”ни 1:0 ҳисобида мағлуб этди. Бу ҳақда euro-football.ru хабар беради.
Сафоновнинг ёзишича, учрашув қизиқарли ва жанговор руҳда ўтди ҳамда жамоа учун яна бир муҳим уч очко қўлга киритилди. У бу мавсум илк бор турнир жадвалида иккинчи ўриндаги рақибдан 4 очколик фарқ ҳосил бўлганини таъкидлаб, Чемпионлар лигаси плей-оффи давом этаётган пайтда бундай захира алоҳида ёқимли эканини билдирди.
Дарвозабон олдинда “Монако”га қарши оғир синов турганини ҳам эслатди. Унинг сўзларига кўра, Чемпионлар лигасида монаколиклар билан ўтган сўнгги икки ўйин бу рақибга қарши енгил баҳс бўлмаслигини яққол кўрсатган.
Ҳозирча ПСЖ Франция чемпионатида пешқадам бўлиб турибди: 24 турдан кейин парижликлар ҳисобида 57 очко бор.
“Zamin”ни Telegram'да ўқинг!
