Сбер ақлли уй тизими учун баҳорги янгиланиш тақдим этилди
Сбер жамоаси ўзининг ақлли уй экотизими учун СберДевисес ҳамкорлигида ишлаб чиқилган навбатдаги баҳорги янгиланишни эълон қилди. Ушбу янгиликка кўра, фойдаланувчилар ГигаЧат ёрдамида оддий оғзаки мулоқот орқали мураккаб буйруқларни тушунадиган ақлли уй сценарийларини яратишлари мумкин.
Сбер жамоаси ўзининг ақлли уй экотизими учун навбатдаги баҳорги янгиланишни эълон қилди. Мазкур лойиҳа Сбер компаниясининг ҳамкори — СберДевиcес томонидан ишлаб чиқилган бўлиб, фойдаланувчиларга янада қулайликлар яратишга қаратилган. Бу ҳақда Ixbt.com хабар беради.
Эндиликда ақлли уй сценарийларини яратиш учун Сбер ақлли колонкаси билан оддий мулоқот қилиш кифоя. ГигаЧат ёрдамида фойдаланувчи ўз хоҳишини оғзаки айтиши мумкин, тизим эса барча тафсилотларни аниқлаштириб, тайёр сценарийни сақлаб қўяди. ГигаЧат мураккаб буйруқларни ҳам тушуниб, уларни босқичма-босқич бажаришга ёрдам беради.
Янги функциялар қаторига «Уйда» ва «Уйда эмасман» режимлари қўшилди. Бу режимлар ресурсларни тежаш имконини беради: масалан, уйда ҳеч ким бўлмаганда, чироқлар ёки намлагичлар автоматик тарзда ўчирилади. Шунингдек, ёритиш тизимини асосий ва қўшимча манбаларга ажратиш имконияти пайдо бўлди.
Илова интерфейси ҳам янгиланиб, қурилмалар учун махсус белгилар қўшилди. Энди овозли буйруқлар янада аниқроқ ишлайди: масалан, «Салют, вентиляторни ёқ» деганингизда, тизим хатоликсиз айнан вентиляторни ишга туширади.
Изоҳлар 0
…