Фото: Harper’s Bazaar
Коронавирус пайдо бўлгунича ҳатто энг озода киши ҳам телефонини зарарсизлантириш кераклиги, смартфонлар вирус манбаи бўлиши мумкинлиги ҳаёлига ҳам келмагани аниқ.
Тадқиқотларда аниқланишича, бактерия ва вируслар телефон юзасида 3 кундан 10 кунгача яшайди, биз эса соатига 12-25 марта телефон билан алоқада бўламиз. Телефонда гаплашаётганда микроблар бурун, кўз ва қулоққа жуда яқин келади. Шу боис телефонни мунтазам равишда зарарсизлантириб туриш керак бўлади.
Harper’s Bazaar нашри қандай қилиб телефонни зарарсизлантириш кераклиги ҳақида маълумот беради.
Телефонни ҳар 1-2 соатда зарарсизлантириб туриш керак бўлади. Зарарсизлантиришни қуйидаги босқичларда амалга оширинг.
- Биринчи бўлиб телефонингизни ўчиринг.
- Телефон ғилофини ечинг ва уни ҳам телефондан алоҳида зарарсизлантиринг.
- Салфеткани совунли сув ёки махсус дезинфекцияловчи восита билан намланг.
- Қувват олгич портларига тегиб кетмасдан эҳтиёткорлик билан қурилма юзасини артинг.
- Қурилмани қуруқ салфетка билан қуруқланг.
Телефон ишлаб чиқарувчилар электрон воситаларни зарарсизлантиришда махсус воситалардан фойдаланиш кераклигини тавсия қилади. Чунки бошқа воситалар қурилмани ишдан чиқариши мумкин. Зарарсизлантириш жараёнида намлик кўпайиб кетмаслигига ишончингиз комил бўлсин. Электрон қурилмангиз сув ўтказмайдиган бўлган тақдирда ҳам ортиқча намлик унга фойда келтирмаслиги аниқ. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Дунёдаги энг бой араб шайхининг рафиқаси қандай кўринишга эга?
Тадбиркорларга қўлланадиган молиявий жарима камайтирилади
Нега Трамп Зеленскийни ёмон кўради?
Зеленский: Россия Украинанинг иссиқлик энергетикасини деярли тўлиқ яксон қилди