Хонанда Дилноз Ҳакимова маҳрга нима сўраганини ошкор қилди
Янги турмуш қурган хонанда Дилноз Ҳакимова маҳр сифатида уй сўраганини айтди. У бу танловига Шайх Раҳматуллоҳ Термизий домланинг “Маҳр ва никоҳ” ҳақидаги суҳбатларини эшитгани сабаб бўлганини билдирди. Хонанда маҳр келажакда фарзандларининг тўйларига буюришини ният қилганини таъкидлади. Унинг жавоби ижтимоий тармоқларда кенг муҳокама қилинди.
Янги келин бўлган машҳур хонанда Дилноз Ҳакимова турмуш ўртоғидан маҳр сифатида нима сўрагани ҳақидаги саволга самимий жавоб берди.
Ижтимоий тармоқдаги обуначиларидан бири ундан:
— “Маҳрга нима сўрадингиз?” — деб сўраганида, Дилноз шундай жавоб қайтарган:
“Бу мавзу кўпчиликни қизиқтирган эди. Мен маҳрга уй сўраганман. Шайх Раҳматуллоҳ Термизий домланинг ‘Маҳр ва никоҳ’ ҳақидаги суҳбатларини эшитиб, бу энг тўғри танлов, деб ҳисоблаганман. Домла айтиб ўтганларидек, ўқимишли қизнинг маҳри қиммат бўлиши табиий экан. Ҳатто мен яна кўпроқ сўрашим ҳам мумкинлигини таъкидлаган эдилар.”
Хонанда сўзининг давомида қўшимча қилди:
“Албатта, бу маҳрга ўзим муҳтож бўлиб қолмаслигимни, фарзандларимизнинг тўйларига буюришини ва Аллоҳ таоло турмуш ўртоғимни мени сўраганимдан ҳам зиёдаси билан сийлашга қодир қилсин, деб ният қилганман.”
Дилноз Ҳакимованинг бу жавоби мухлислар эътиборини тортди ва ижтимоий тармоқларда кенг муҳокамага сабаб бўлди.
Изоҳлар 0
…