Lionsgate компанияси Квентин Тарантинонинг “Биллни ўлдириш: Бутун қонли тарих” фильмининг кенгайтирилган режиссёрлик версияси учун трейлер чиқарди.
“Биллни ўлдириш” дастлаб битта лойиҳа сифатида яратилган ва тўлиқ метражли фильм сифатида суратга олинган, аммо монтаж пайтида икки қисмга бўлинган. Фильмлар олти ой фарқ билан: 2003 йил октябрь ва 2004 йил апрель ойларида чиқарилган.
Узайтирилган версияда биринчи қисмнинг охири ва иккинчи қисмнинг боши олиб ташланди ва илгари кўрилмаган 7,5 дақиқалик анимацион кетма-кетлик қўшилди.
"Мен фильмни битта фильм сифатида ёзганман ва режиссёрлик қилганман ва мухлисларга уни шу форматда кўриш имкониятини беришдан жуда хурсандман", дейди Тарантино.
«“Биллни ўлдириш” филмини томоша қилишнинг энг яхши усули — бу 70 миллиметрли ёки 35 миллиметрли зўр плёнкадаги кинотеатрдир. Катта экрандаги қон ва ичаклар барча гўзаллиги билан!» — деб ваъда берди режиссёр.
“Биллни ўлдириш: Бутун қонли тарих” фильмининг премераси АҚШда 5 декабрь куни бўлиб ўтади.
“Zamin”ни Telegram'да ўқинг!
