Qozog‘istonning QazaqGaz gaz transport kompaniyasi 2025-yilda Rossiya gazining O‘zbekistonga tranziti 6 milliard kubometrga yetishi kutilayotganini ma’lum qildi. Bu ko‘rsatkich 2024-yilda 5,6 milliard kubometrni tashkil etadi, deb xabar beradi «Kazinform».
Rossiyadan O‘zbekistonga gaz tranziti 2023-yilda boshlangan. Bu jarayon uchun «Markaziy Osiyo – Markaz» gaz quvuri ishlatilmoqda.
«Intergaz Markaziy Osiyo» kompaniyasining ma’lumotiga ko‘ra, mazkur quvurda ta’mirlash ishlari olib borilgan va u yerda aniqlangan 10 mingdan ortiq nuqsonlardan 6 mingtasi tuzatildi. Hozirda O‘zbekistonga har kuni Qozog‘iston orqali 178 million kubometr gaz yetkazib berilmoqda.
Kelajakda ushbu tranzit hajmini yiliga 11 milliard kubometrga yetkazish rejalashtirilgan. «Intergaz Markaziy Osiyo» kompaniyasining ta’kidlashicha, ko‘payayotgan gaz tranzit hajmlariga mos ravishda infratuzilma tayyorlanmoqda.
2023-yil oktabr oyining boshiga kelib, O‘zbekiston xorijdan umumiy qiymati 932,3 million dollarlik gaz import qilgan. Bu o‘tgan yilga nisbatan 29,7 foizga kam.
Shu bilan birga, mamlakat gaz eksportini 546,2 million kubometrga yetkazib, yillik o‘sish sur’ati 15,4 foizni tashkil etdi.
