U o'zini islohotchi deb hisoblaydi, Livan fuqaroligini olgan va o'n yillikning eng g'alati matbuot anjumanlarini o'tkazgan. Janni Infantino — futbolni o'zgartirayotgan va so'zini ayashdan qo'rqmaydigan shaxs.
Infantino kimligini, uning Livan bilan qanday bog'liqligini va nima uchun u doim mojarolar markazida ekanini o'rganamiz. Infantino 1970-yilda Shveysariyaning Brig shahrida tug‘ilgan.
Uning ota-onasi Italiyadan Shveysariyaga kelgan migrantlar bo‘lib, Val-Kamonika va Kalabriya hududlaridan. U bolaligida oddiy oilada o'sgan, iqtisodiy qiyinchiliklar va ota-onasining "bizdan yuqoriga intil" degan talabi uning hayot falsafasini shakllantirgan.
Infantino futbolga bo'lgan ishtiyoqini ota-onasidan, ayniqsa otasidan olganini eslaydi. "Men bolaligimda jinni futbol ishqibozi edim: jamoamning har bir o'yiniga borardim.
O'yinlarga maxsus eski futbolka va jinsi kiyib borar edim", — deydi u. Ammo hozir u o'yinlarni kostyum va galstukda kuzatishi kerakligini aytib, afsuslanadi.
Infantino Friburg universitetida yuridik ta'lim olib, ko'p tillarni o'rgangan va sport huquqi bo'yicha ekspert bo'lib yetishgan. 2000-yillarda u Yevropadagi futbol ligalarida huquqiy maslahatchi sifatida ishlagan.
2004-yilda UEFAning yuridik xizmatlar bo‘limi direktori, 2007-yilda bosh kotib o‘rinbosari, ikki yil o‘tib esa bosh kotib bo‘lgan. Bu davrda u moliyaviy va tashkiliy murakkab tizimlarni yaratish bo‘yicha o‘zining mahoratini namoyish etgan.
2016-yilda esa FIFA prezidenti etib saylandi. Bu lavozimga kelganida FIFA qator korrupsiya mojarolaridan aziyat chekayotgan edi.
Infantino o‘zini islohotchi sifatida tanishtirdi, ammo uning islohotlari ham tanqidlar, ham tahsinlarga sabab bo‘lmoqda. Infantino FIFAda bir qator yirik o‘zgarishlar qildi: jahon chempionatida ishtirok etuvchi jamoalar sonini oshirdi, mukofot pullarini ko‘paytirdi, media huquqlarini kengaytirdi va FIFAni yirik media-gigantga aylantirdi.
Uning rahbarligi ostida Yaqin Sharq mintaqasi futbol bo'yicha katta turnirlarning markaziga aylandi. Infantino Livan fuqaroligini olganidan so'ng, bu mamlakatga zamonaviy 20-30 ming o‘rinli stadion qurishga yordam berishini e'lon qildi.
Bu qaror ba'zi tanqidlarga sabab bo'ldi, chunki Livanda ko‘plab odamlar yillar davomida fuqarolik olishni kutib turibdi. Shu bilan birga, Infantino futbol orqali Livan yoshlari va infratuzilmasini qo‘llab-quvvatlashini va'da qildi.
Infantino faoliyati davomida ko‘plab mojarolarga uchrab kelgan. Masalan, 2022-yilda Qatar jahon chempionati oldidan u g‘alati nutq so‘zladi: "Bugun men qatarmanman, bugun men arabman, bugun men afrikaman, bugun men gomoseksualman, bugun men nogironman, bugun men migrantman." Bu nutq tanqidchilarga g‘arbliklarning ikkiyuzlamachiligini tanqid qilish, tarafdorlariga esa jasoratli siyosiy chiqish sifatida ko‘rindi.
Janni Infantino oddiy bir futbol boshqaruvchisi emas, u global darajadagi siyosiy o‘yinchi. Livan fuqaroligini qo‘lga kiritganidan so‘ng, u futbolni diplomatiya, iqtisodiyot va geosiyosiy kelishuvlarning bir qismiga aylantirishdagi ta’sirini yanada kuchaytirdi.
Mehmon guruhidagi foydalanuvchilar ushbu nashrga izoh qoldira olmaydi.
