29 may kuni Turkiyada koronavirus pandemiyasi sababli yopilgan masjidlar 74 kundan keyin qayta ochildi. Masjidlarga keluvchilardan bir qator karantin qoidalariga amal qilish iltimos qilingan.
“Masjidlarimiz eshiklari 2,5 oylik to‘xtashdan keyin biz birga ado etayotgan juma namozi uchun qayta ochildi”, deb aytgan diniy ishlar boshqarmasi rahbari Ali Erbash.
U 5 mingga yaqin kishi yig‘ilgan Istanbuldagi Fotiha masjidida qisqacha ma’ruza o‘qigan. Ayollar uchun ichki hovlida alohida joy hozirlangan. Namoz vaqtida ijtimoiy masofaga rioya qilish zarurligi eslatib turilgan.
Boshqarmada ma’lum qilinishicha, masjidlar ishida bir qator cheklovlar saqlanib qoladi. Jumladan, ayni vaqtda katta hovliga va ochiq maydonlarga ega masjidlargina ochilgan.
Birinchi bosqichda asr va juma namozlarini ado etishga ruxsat berilgan. Masjidga keluvchilar o‘zlari bilan joynamoz olib kelishlari yoki masjidning o‘zida bir marotabalik joynamozlar olishlari hamda himoya niqoblarida bo‘lishlari shart.
Ta’kidlanishicha, ba’zi masjidlarda xavfsizlik choralariga rioya qilinishi ortidan dron yordamida kuzatilgan.
Avvalroq Turkiya prezidenti Rajab Toyyib Erdo‘g‘an karantin cheklovlari yengillashtirilishini e’lon qilgan. Jumladan, 1 iyundan mamlakatda shaharlaro safarlarga cheklov bekor qilinadi, kafe va muzeylar ochiladi. Shuningdek, xavfsizlik choralariga amal qilgan holda plyajlar, qo‘riqhonalar va bog‘larga tashrif buyurishga ruxsat beriladi.
Manba: Kun.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Ortiqcha vaznli insonlar uchun sog‘lom ovqatlanishning beshta muhim qoidasi
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
