1 405
Amerikaliklarning 40 foizdan ortig‘i koronavirusga qarshi emlanishni istamasligi ma’lum bo‘ldi
Foto: Brian van der Brug/Los Angeles Times via AP
AQSH aholisining 41 foizga yaqini koronavirusga qarshi emlanishni istamaydi, deb yozadi The Hill nashri Harvard Amerika siyosiy tadqiqotlar markazi (Harvard CAPS) va Harris Poll kompaniyasi so‘rovi natijalariga tayanib.
So‘rov natijalariga ko‘ra, qatnashchilarning qolgan 59 foizi koronavirusga qarshi emlanishni xohlaydi.
Emlanishni istamaganlarning 66 foizi vaksinaning nojo‘ya ta’siridan qo‘rqishini, 33 foizi esa vaksinani samarasiz deb hisoblashini bildirgan. Harvard CAPS-Harris poll so‘rovida 2006 nafar kishi qatnashgan.
The Hill nashrining yozishicha, AQSHda koronavirus pandemiyasiga qarshi kurashda oldinga siljish bo‘lgani bilan tibbiyot ekspertlari koronavirusning yangi paydo bo‘layotgan turlari barcha sa’y-harakatlarni xavf ostiga qo‘yishi mumkinligidan ogohlantirmoqda.
O‘tgan haftada AQSH oziq-ovqat va dori mahsulotlari sifatini sanitar nazorat qilish boshqarmasi (FDA) Johnson & Johnson kompaniyasining koronavirusga qarshi vaksinasidan foydalanishni ma’qulladi.
Avvalroq Pfizer-BioNTech va Moderna kompaniyalari vaksinalari ma’qullangandi.
Pandemiya boshlanganidan buyon AQSHda koronavirus yuqtirish bilan bog‘liq holatlar soni 29,3 milliondan oshgan, 527 mingdan ortiq bemor vafot etgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Ortiqcha vaznli insonlar uchun sog‘lom ovqatlanishning beshta muhim qoidasi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?