16:30 / 24.10.2021
911

Turkiyada o‘nta davlat elchilari «qora ro‘yxatga» kiritildi

Turkiyada o‘nta davlat elchilari «qora ro‘yxatga» kiritildi
Turkiya Prezidenti Rajab Toyyib Erdog‘an buyrug‘i bilan o‘nta davlat elchilari mamlakat hududida persona non-grata sifatida tan olindi.

Bu qarorga chet el diplomatik missiyalari (AQSH, Germaniya, Fransiya, Kanada, Finlyandiya, Daniya, Niderlandiya, Yangi Zelandiya, Shvetsiya va Norvegiya) rahbarlarining tadbirkor Usmon Kavalani qo‘llab-quvvatlagan bayonotlari sabab bo‘lgan.

Anqaraga ko‘ra, Kavala 2016 yildagi to‘ntarishni tashkil qilishda bevosita ishtirok etgan. Kavala, shuningdek, josuslikda ayblanmoqda. Hozirda u hibsda saqlanmoqda.

Turkiya hukumati xorijiy siyosatchilarning Kavala bilan bog‘liq vaziyat haqidagi bayonotlarini mamlakat ichki ishlariga aralashish sifatida baholamoqda.

Erdo‘g‘on yuqoridagi davlatlar diplomatlari oldida Turkiyani tushunish yoki mamlakatdan ketishdek tanlov borligini ta’kidlagan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Turkiyada o‘nta davlat elchilari «qora ro‘yxatga» kiritildi