Tabassum qilish insonning jismoniy va ruhiy salomatligiga ijobiy ta’sir ko‘rsatishi bugungi kunda hech kim uchun sir emas. Olimlar fikriga ko‘ra, jilmayish va kulish jarayonlari immunitetni oshiradi, yig‘i esa salomatligingizni mustahkamlaydi. Buyuk Britaniya hamda Qo‘shma Shtatlarda olib borilgan keng ko‘lamli tadqiqotlar bu borada aynan shunday to‘xtamga kelish uchun asos yaratdi.
Minnesot hamda Lankaster universiteti olimlari yig‘i va uning natijasida organizmda sodir bo‘ladigan jarayonlarni kuzata turib, yig‘lash ham inson uchun kulishdan kam bo‘lmagan ijobiy natijalar berishini aniqladilar. Bu borada faqatgina qachon va qanchalik ko‘p yig‘lashning ahamiyati bor.
Minnesot Universiteti olimlari yig‘lash davomida biroz ko‘z yosh to‘kib olgan 88,8% kishilarda kayfiyat ko‘tarilishi jarayonini payqadilar. Buning boisi inson tushkunlik holati sabab yuzaga kelgan ko‘z yoshdan halos bo‘lishidadir. Organizm ko‘z yosh bilan birga tanadan yurak hurujini paydo qiluvchi moddani chiqarib tashlaydi. Bundan tashqari, yig‘lash jarayoni chuqur nafas olish bilan kechib, ushbu holat tanadagi kortizol – stress gormoni darajasining pasayishiga olib keladi.
Tajriba ishtirokchilarini kuzatgan Uilliam Freyning ta’kidlashicha, yig‘i qator ijobiy sifatlarga ega. Ko‘z yosh – emotsional va jismoniy sabablar tufayli yuzaga keladi. Yig‘ining birinchi turida ko‘z yoshni tushkunlik holati paydo qilsa va ikkinchi turi og‘riq natijasida yuzaga kelib, har ikki holat sabab to‘kilgan ko‘z yosh tarkibi turlicha bo‘ladi.
Britaniyalik olimlar o‘z navbatida yig‘lash jarayonining psixologik tomonlarini alohida qayd etdilar. Ko‘pchilik insonlar atrofdagilar uni ojizlikda ayblashlaridan qo‘rqib hissiyot va ko‘z yoshni “ichlariga yutadilar”. Bordi-yu atrofdagilar sizni to‘g‘ri tushunishlariga shubhangiz bo‘lsa, toza havoda, biroz yolg‘iz qolgancha yig‘lab olgan ma’qulroq. Chuqur nafas olish va organizmni ortiqcha “yuk”dan halos qilish teran fikrlashga yo‘l ochib beradi.
Ammo, har narsaning me’yori yaxshi bo‘lgani kabi yig‘ida ham chegarani unutmagan durust. Haddan ortiq ko‘p yig‘lash teri qatlamlarida namlikning yo‘qolishi, buning natijasida esa rangi va holatining yomonlashishiga olib keladi. Olimlar haftada bir marta yig‘lab olishni me’yoriy holat deya baholashmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina Kursk oblastida egallab olgan hududlarining 40 foizdan ortig‘ini yo‘qotdi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
BAAda isroillik ravvin o‘ldirib ketildi
Superligani qaysi klub tark etadi? Kumush medal kimga nasib qiladi?
O‘zbekistonda tadbirkorlar uchun ayrim ma’muriy javobgarliklar bekor qilinadi
Xitoylik hakerlar AQSHdagi 150 nafar siyosatchi ortidan josuslik qilgan bo‘lishi mumkin
Germaniyalik fermerning sigiri to‘rtta buzoq tug‘di
Rossiya Buyuk Britaniya diplomatiga qarshi keskin chora qo‘lladi
