Qozog‘istonda dollar kursi yangi tarixiy rekord qayd qilib, 300 tangadan oshdi

Qozog‘iston fond birjasining (KASE) ertalabki savdolari natijalariga ko‘ra ushbu mamlakatda dollar kursi tarixdagi mutlaq rekordni qayd qilib, 301 tangani tashkil qildi. Bu haqda Nur.kz saytiga asoslanib Kun.uz yozmoqda.

Birjada dollar kursi 283.94 tanga qilib belgilanganiga qaramay, ayrim valyuta ayirboshlash shoxobchalarida bu ko‘rsatkich 300 tangadan oshib ketdi. Savdolar chog‘ida valyuta 291 tangagacha ko‘tarildi.

Bundan tashqari, ayirboshlash shoxobchalarida dollar tanqisligi sezilayotgani xabar qilinmoqda. “Zamin”ni Telegramʻda oʻqing!