O'zbekistonda 28 noyabr kuni juma namozidan so'ng barcha masjidlarda «istisqo» — Allohdan yomg'ir so'rab qilinadigan jamoaviy duo o'tkaziladi. Bu haqda Musulmonlar idorasi xabar berdi.
Ushbu qaror uzoq davom etgan kuzgi qurg'oqchilik va kutilayotgan yog'ingarchilikning yo'qligi sabab qabul qilingan. Idora ma'lumotlariga ko'ra, yomg'ir so'rab duo qilish islomiy an'analarda chuqur ildizlarga ega.
Shu bilan birga, viloyatlardagi va tumanlardagi markaziy masjidlar hamda muqaddas joylarda qurbonliklar qilinadi. Qurbonlik go'shti yordamga muhtoj oilalar, yetim bolalar, bevalar, kam ta'minlanganlar va yolg'iz yashovchi keksalarga tarqatiladi.
Shuningdek, Makkada va Madinada bo'lgan vatandoshlarimizga ham o'z guruhlarida muqaddas joylarda «istisqo» duosini qilish tavsiya etilgan.
Mehmon guruhidagi foydalanuvchilar ushbu nashrga izoh qoldira olmaydi.
