«Mening maktabim» loyihasining 2025/2026 o‘quv yilidagi 2-bosqichi doirasida ovoz berish jarayoni rasman start oldi. Iqtisodiyot va moliya vazirligining axborot xizmati ma’lum qilishicha, ovoz berish 11-yanvardan 20 yanvar soat 23:59 gacha davom etadi va barcha o‘quvchilar ishtirok etishi mumkin.
Loyihalar shakllantirish bosqichi 2025 yil 15–24 dekabr kunlari amalga oshirilgan, shu orqali ishtirokchilar o‘z takliflarini ilgari surishgan. Keyinchalik, 25 dekabrdan 10 yanvargacha esa eng yaxshi loyihalar saralab olingan va ovoz berishga tayyor holatga keltirilgan.
«Mening maktabim»da 5-sinfdan 11-sinfgacha bo‘lgan har bir o‘quvchi o‘z maktabiga doir loyihalarni ilgari surishi va o‘z taqdimotlariga ovoz berishi mumkin. O‘quvchilar loyihalarini «Ochiq byudjet» portali orqali ikki usulda ilgari surishlari mumkin: avtomatik tarzda, ya’ni tayyor loyiha namunalaridan tanlash orqali yoki mustaqil ravishda, ya’ni mavjud namunalar orasida bo‘lmagan yangi loyihani shakllantirish orqali.
Bu jarayon yosh avlodning faoliyatini qo‘llab-quvvatlaydi, ularni ijodiy fikrlash va maktab hayotida o‘z hissalarini qo‘shishga undaydi.
“Zamin”ni Telegramʻda oʻqing!
