Qirg‘iziston Prezidenti Sooronbay Jeenbekov bugun, 15 oktabr kuni mamlakatdagi mavjud ijtimoiy-siyosiy vaziyat sabab qirg‘iz xalqiga murojaat qildi. Bu haqda davlat rahbarining matbuot xizmatiga asosan, Kabar.kg ma’lumot berdi.
Murojaatdagi asosiy yangilik shundaki, Jeenbekov «tinchlik, mamlakat yaxlitligi uchun» iste’foga chiqishini e’lon qildi.
«Aziz vatandoshlar!
Bishkek shahridagi ijtimoiy-siyosiy vaziyat keskinligicha qolmoqda.
Kecha Jo‘qor Kengesh hukumat tarkibini tasdiqladi, men esa tegishli lavozimlarga tayinlash to‘g‘risidagi farmonlarni imzoladim. Ammo bu keskinlikni yumshata olmadi.
Afsuski, tajovuz susaymayapti, zudlik bilan iste’foga chiqishim talabi davom etmoqda.
Men uchun Qirg‘izistonda tinchlik, mamlakat yaxlitligi, xalqimizning birligi va jamiyatdagi osoyishtalik hamma narsadan ustundir. Har bir vatandoshimning hayotidan azizroq narsa yo‘q.
Qirg‘iziston tarixida o‘z fuqarolariga qon to‘kib, o‘q uzgan Prezident sifatida qolishni istamayman.
Shu sabab iste’foga chiqishga qaror qildim» - , deyiladi murojaatda.
Eslatib o‘tamiz, 5-6 oktabr kunlari parlament saylovlari natijalari e’lon qilingach, mamlakat namoyishlar to‘lqini ostida qoldi. Oqibatda bosh vazir Kubatbek Boronov lavozimdan ketishga majbur bo‘ldi.
Amaldagi bosh vazir Sadir Japarov boshchiligidagi kuchlar Jeenbekovga ketish talabini qo‘ygan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi