“O‘zgidromet” 20-oktyabr, dushanba kuni kutilgan ob-havo prognozi bilan bo‘lishdi. Ma’lumotlarga ko‘ra, mamlakatning katta qismida havo quruq va salqin bo‘lib, yog‘ingarchilik kutilmaydi. So‘nggi kunlarda shimoldan kirib kelgan salqin havo massalari ta’siri haftaning boshida ham sezilar ekan.
Poytaxt Toshkentda havo biroz bulutli, vaqt-vaqti bilan o‘zgaruvchan bo‘ladi. Yomg‘ir yog‘ishi ehtimoli yo‘q. Shamol sharq yo‘nalishidan soatiga 3–8 metr tezlikda esadi. Harorat kechasi 7–9 daraja, kunduzi esa 21–23 daraja iliq bo‘lishi kutilmoqda.
Qoraqalpog‘iston Respublikasi va Xorazm viloyatida ham shunday barqaror ob-havo kuzatiladi. Kechki harorat 0–5 daraja iliq, kunduzi 13–18 daraja atrofida bo‘ladi. Shamol sharqdan 9–14 m/s tezlikda esishi mumkin.
Buxoro va Navoiy viloyatlarida havo biroz bulutli, ba’zi joylarda o‘zgaruvchan bo‘ladi, yomg‘ir ehtimoli yo‘q. Shamol sharqdan 7–12 m/s tezlikda esadi. Harorat kechasi 6–11 daraja, kunduzi 21–26 daraja atrofida bo‘ladi.
Toshkent, Sirdaryo, Jizzax va Samarqand viloyatlarida ham shunday barqaror havo saqlanadi. Yog‘ingarchilik kutilmaydi, shamol sharqdan soatiga 7–12 m/s tezlikda esadi. Harorat kechasi 6–11 daraja, kunduzi 20–25 daraja iliq bo‘ladi.
Qashqadaryo va Surxondaryo viloyatlarida ob-havo nisbatan iliqroq kechishi kutilmoqda. Kechasi 6–11 daraja, kunduzi esa 23–28 darajagacha isiydi. Shamol sharqdan 7–12 m/s tezlikda esadi.
Andijon, Namangan va Farg‘ona viloyatlarida ham havo biroz bulutli va o‘zgaruvchan bo‘ladi. Yomg‘ir yog‘ishi kutilmaydi. Shamol 5–10 m/s tezlikda esadi. Harorat kechasi 6–11 daraja, kunduzi esa 18–23 daraja atrofida bo‘ladi.
Respublikaning tog‘oldi va tog‘li hududlarida esa ob-havo biroz o‘zgaruvchan bo‘lib, ba’zi joylarda qisqa muddatli yomg‘ir yog‘ishi mumkin. Baland tog‘larda qor kuzatilishi ehtimol qilingan. Shamol sharqdan 7–12 m/s tezlikda esadi. Harorat kechasi 3–8 daraja, kunduzi 15–20 daraja bo‘ladi.
Eslatib o‘tamiz, 18-oktyabr, shanba kuni O‘zbekiston hududiga shimoli-g‘arbdan nisbatan salqin havo massalari kirib kelgan edi. Shu sababli keyingi kunlarda havo harorati asta-sekin pasaydi va bu jarayon haftaning boshigacha davom etadi.
Mutasaddilarning qayd etishicha, oktyabr oyining qolgan qismida ham havo nisbatan salqin va barqaror bo‘lishi kutilmoqda.
“Zamin”ni Telegramʻda oʻqing!
