O‘zbekistonga tijorat uchun kelayotganlar soni keskin oshdi
Joriy yilning yanvar–avgust oylarida O‘zbekistonga tijorat maqsadida 287,7 ming nafar xorijiy fuqaro tashrif buyurdi. Bu o‘tgan yilning shu davriga nisbatan qariyb uch barobar ko‘p bo‘lib, tashrif buyuruvchilar soni 190,3 ming nafarga oshgan. Eng ko‘p tashrif Afg‘oniston fuqarolari hissasiga to‘g‘ri kelib, ular 267 879 nafarni tashkil etgan.
Milliy statistika qo‘mitasi ma’lumotlariga ko‘ra, joriy yilning yanvar–avgust oylari davomida O‘zbekistonga 287,7 ming nafar xorijiy fuqaro tijorat maqsadida tashrif buyurgan.
Bu ko‘rsatkich o‘tgan yilning shu davriga nisbatan qariyb uch barobarga o‘sgan, ya’ni 190,3 ming nafarga ko‘paygan.
Ma’lum qilinishicha, eng ko‘p tashrif buyurganlar Afg‘oniston fuqarolari bo‘lib, ularning soni 267 879 nafarni tashkil etgan. Shu bilan birga, tijorat maqsadida quyidagi davlatlar fuqarolari ham kelgan:
Tojikiston — 14 648 nafar,
Turkmaniston — 2 235 nafar,
Rossiya — 585 nafar,
Turkiya — 392 nafar,
Qozog‘iston — 373 nafar,
Boshqa davlatlar — 1 635 nafar.
Shu tariqa, O‘zbekistondagi tijorat bozoriga qiziqish yuqori darajada oshgani va xorijiy fuqarolarning iqtisodiy faolligi ortib borayotgani ta’kidlanmoqda.
Izohlar 0
…