00:23 / 28.11.2015
7 569

Toshkentda inson huquqlariga bag‘ishlangan xalqaro konferensiya bo‘lib o‘tdi

Toshkentda inson huquqlariga bag‘ishlangan xalqaro konferensiya bo‘lib o‘tdi

2015 yil 26—27 noyabrda «Inson huquq va erkinliklarining ishonchli himoyasini ta’minlash – mamlakatni demokratik yangilash va modernizasiyalashning asosiy yo‘nalishi: O‘zbekiston tajribasi» mavzuidagi xalqaro konferensiya bo‘lib o‘tdi. Bu haqda Inson huquqlari bo‘yicha O‘zbekiston Respublikasi Milliy markazi «Daryo»ga xabar berdi.

Inson huquqlari bo‘yicha O‘zbekiston Respublikasi Milliy markazi, O‘zbekiston Respublikasi Oliy Majlisining inson huquqlari bo‘yicha vakili (Ombudsman), Bosh prokuratura, Ichki ishlar vazirligi, Oliy sud huzuridagi tadqiqot markazi, O‘zbekiston nodavlat notijorat tashkilotlari Milliy Assosiasiyasi, O‘zbekiston mustaqil bosma ommaviy axborot vositalari va axborot agentliklarini qo‘llab-quvvatlash va rivojlantirish jamoat fondi, BMTTD, EXHTning O‘zbekistondagi loyihalari koordinatori, K.Adenauer nomidagi jamg‘arma, F.Ebert nomidagi jamg‘arma konferensiyaning tashkilotchilari bo‘ldi.

Konferensiyada Buyuk Britaniya, Italiya, Ispaniya, Irlandiya, Ruminiya, AQSh, Shotlandiya vakillari hozir bo‘ldi.

Xalqaro konferensiyaning birinchi kuni Davlat hokimiyati va boshqaruvini demokratlashtirish, ular faoliyatida o‘zaro tiyib turish va manfaatlar muvozanati tizimini ta’minlash, qonunchilikni va parlament nazoratini takomillashtirish, sud-huquq tizimini erkinlashtirish, demokratlashtirish va insonparvarlashtirish, inson huquqlari bo‘yicha milliy institutlarni rivojlantirish, inson huquqlari samarali himoya qilinishini ta’minlash sohasida ularning davlat organlari bilan o‘zaro hamkorligini kuchaytirish masalalariga bag‘ishlandi.

Konferensiyaning ikkinchi kunida ishtirokchilar shaxsning huquqlari, erkinliklari va qonuniy manfaatlarini himoya qilish, ushbu sohada jamoatchilik nazorati samaradorligini oshirish va monitoring olib borish sohasida davlat organlari bilan ijtimoiy hamkorlik qilishda fuqarolik jamiyati institutlarining ahamiyatini muhokama qildi.

Barcha ishtirokchilar o‘zaro tushunish ruhida o‘tgan konferensiyaning yuksak darajasi, foydaliligi va amaliy ahamiyatini qayd etdi.

Milliy va xorijiy ekspertlar tomonidan inson huquqlarini himoya qilish sohasidagi faoliyat samaradorligini yaxshilashga doir turli xil takliflar ilgari surildi. Xalqaro konferensiya yakunlari bo‘yicha tavsiyalar qabul qilindi.


Manba: Daryo.uz


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » Toshkentda inson huquqlariga bag‘ishlangan xalqaro konferensiya bo‘lib o‘tdi
[/banner_pushhouse