Kelayotgan yozda “Roma”da jiddiy o‘zgarishlar bo‘lishi kutilmoqda. Ulardan eng asosiysi Joze Mourino bilan bog‘liq.
2021 yili Rimga kelganidan beri jamoani ijobiy tomonga o‘zgartira olgan portugaliyalik mutaxassisga jiddiy takliflar bo‘lmoqda. Yaqinda Joze Mourino Braziliya va Portugaliya terma jamoalarini boshqarish uchun taklif etilgandi. Garchi hamyurtlari Roberto Martines olib kelgan bo‘lsa-da, braziliyaliklar hali bu borada yakuniy qarorga kelgani yo‘q.
Joze Mourino oldida yangi variantlar chiqmoqda. Chempionlar ligasi bosh sovrinini qo‘lga kirita olmayotgan PSJ jahon darajasidagi yulduzlarni jamlagan bilan bu maqsadni amalga oshirib bo‘lmasligini tushunib yetdi.
Klub rahbariyati yulduzlarni jilovlab, bir maqsad yo‘lida birlashtira oladigan qattiqqo‘l va o‘yinchilarga gapi o‘tadigan murabbiy olib kelishni rejalashtirgan. Parij klubi xo‘jayinlari bu ishni faqat Joze Mourino uddalay oladi degan fikrda. Shuning uchun ham PSJ Mourino oldida turgan yana bir variant.
Qolaversa, jahonning eng kuchli klubi hisoblangan “Real” ham Karlo Anchelottidan voz kechib, o‘n yil oldin klubni tark etgan Joze Mourinoni qaytarishni o‘ylayotgani haqida xabarlar chiqa boshladi.
Italiyalik mutaxassis o‘tgan mavsumda madridliklarga Ispaniya chempionati va Yevropa Chempionlar ligasi g‘olibligiga olib kelgan bo‘lsa-da, klub xo‘jayini Florentino Peres bilan munosabati yaxshi emas. Shu bois, “Qirolli klubi” uning o‘rniga boshqa murabbiy, xususan, Joze Mourinoni olib kelishni rejalashtirmoqda.
Joze Mourinoning faoliyatidan ma’lumki, bu mutaxassis o‘zi istagan futbolchilarni sotib olishga qodir bo‘lgan katta klublarda ishlashni yoqtiradi va PSJ hamda “Real” kabi grandlar chorlovini bee’tibor qoldirmaydi.
Jahon futboli grandlarining portugaliyalik murabbiyga e’tibor qarata boshlagani “Roma” rahbariyatini befarq qoldirayotgani yo‘q. Den Fridkin qo‘l ostidagi mutasaddilar Mourinoga munosib o‘rinbosar topishga kirishib ketgan.
Corriere dello Sport nashrining ta’kidlashicha, “Roma” rahbariyati hozirgi bosh murabbiy klubni tark etgan taqdirda uning o‘rniga “Tottenxem” bilan xayralishishga juda yaqin turgan Antonio Konteni olib keladi.
Kontening Angliya Premer-ligasidagi faoliyati ko‘ngildagidek chiqmadi. Aniqrog‘i, uning italyancha talablari Angliyadagi futbol yulduzlariga to‘g‘ri kelmadi. Jamoa orasida bosh murabbiydan voz kechishni talab qilayotgan futbolchilar soni tobora ortib bormoqda.
Antonioning o‘zi ham vaziyatni tushunib turibdi va faoliyatini A Seriyada davom ettirish bo‘yicha bir qarorga kelib bo‘lgani aytilmoqda.
Agar bu o‘zgarishlar amalga oshib, Konte “Roma”ga ustozlik qiladigan bo‘lsa, Eldor Shomurodovning keyingi faoliyati aynan unga bog‘liq bo‘lib qoladi. Chunki, Mourino tomonidan o‘yin amaliyotini oshirish uchun “Spetsiya”ga ijaraga jo‘natilgan legionerimiz mavsum yakunlanganidan keyin yana Rimga qaytadi.
Aynan yozda Eldor Shomurodovning “Roma”da qolish yoki qolmasligi hal bo‘ladi. Bu jarayonda asosiy va yakuniy qarorni bosh murabbiy aytishi lozim.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
Endi operatsiyadan so‘ng kesmalar o‘rni ikki barobar tezroq bitishi mumkin
Global ochlik va qashshoqlikka qarshi kurash alyansiga 82 mamlakat a’zo bo‘ldi
Tyumen oblastiga O‘zbekistondan mehnat migrantlari ishga jalb qilinadi
KXDR Rossiyaga 100 minggacha harbiy yuborishi mumkin
Turkiya Isroil prezidenti samolyotini havo hududiga kiritmadi
Organizm o‘zini toksinlardan qanday tozalaydi?
Ijtimoiy tarmoqlar davrida ruhiy salomatlikni qanday saqlash mumkin?
