Birmingemning "Aston Villa" jamoasi Angliya Premer-ligasining 11-turida "Bornmut"ni ishonchli tarzda mag'lubiyatga uchratdi. "Villa Park" stadionida bo'lib o'tgan o'yinda mezbonlar raqibni 4:0 hisobida mag'lub etdi.
Ular butun o'yin davomida to'liq ustunlik qilib, mehmonlarga hech qanday imkoniyat qoldirishmadi. Ustoz murabbiy Unay Emeri boshchiligidagi jamoa o'yinni faol boshladi.
27-daqiqada Emiliano Buendia jarima zarbasini mahorat bilan amalga oshirib, to'pni darvozaning chap yuqori burchagiga yo'lladi va hisobni ochdi. "Bornmut" javob berishga urinib ko'rdi, biroq darvozabon Emiliano Martinesning ajoyib reaksiyasi mehmonlarning hujumlarini bartaraf etdi.
Birinchi bo'lim yakunlanayotganida "Villa" ustunligini oshirdi. Amadu Onana Rodjersning uzatmasidan so'ng chap ustun yaqiniga aniq zarba yo'llab, hisobni 2:0 ko'rinishiga olib keldi.
Ikkinchi bo'limda "Bornmut" o'yin sur'atini o'zgartirishga muvaffaq bo'lmadi. 77-daqiqada Ross Barkli Tilimansning uzatmasidan keyin bosh bilan zarba berib, to'pni darvozaga kiritdi — 3:0.
Oradan ko'p o'tmay, zaxiradan maydonga tushgan Doniyel Malen yana Tilimansning pasini golga aylantirib, hisobni 4:0 ko'rinishiga yetkazdi. Mehmonlar penalti orqali hisobni qisqartirish imkoniga ega bo'lishdi, biroq Rodjersning zarbasini Martines ajoyib tarzda qaytarib, "Aston Villa"ning darvozasini daxlsiz saqlab qoldi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
