2025-yil 15-dekabr kuni «Inter» A Seriyasining 15-turida safarda «Jenoa»ni 2:1 hisobida mag'lub etdi. Ushbu g'alaba evaziga milanliklar 33 ochko to'plab, musobaqa jadvalida birinchi o'ringa ko'tarilishdi.
Uchrashuvning 7-daqiqasida «neradzurrilar» hisobni ochishdi: Bissek o'ng tomondan hujumga qo'shilib, pastki burchakka aniq zarba yo'lladi. 37-daqiqada mehmonlar ustunlikni oshirishdi.
Augusto chap qanotdan hujumni rivojlantirib, Lautaro Martines vaziyatni aniqlik bilan yakunladi. Ikkinchi bo'limda «Jenoa» bosimni oshirdi, ammo xavfli vaziyatlar kam bo'ldi.
Shunga qaramay, 73-daqiqada mezbonlar farqni qisqartirishdi: Vitinya chap qanotdan hujumni boshladi, epizodda raqibini aldab o'tib, to'pni bo'sh darvozaga yo'lladi. «Inter» yakunda o'z ustunligini saqlab, muhim g'alabani qo'lga kiritdi.
Mehmon guruhidagi foydalanuvchilar ushbu nashrga izoh qoldira olmaydi.
