Parijning «PSJ» klubi o‘z safida to‘p surgan sobiq futbolchisi Janluiji Buffonni tug‘ilgan kuni bilan qutladi. Chorshanba kuni italiyalik afsonaviy darvozabon 48 yoshni qarshi oldi. Bu haqda euro-football.ru xabar beradi.
Klub ijtimoiy tarmoqlardagi sahifalarida: «48 yosh bilan tabriklaymiz, Janluiji Buffon!» — deya yozib qoldirdi.
Buffon «PSJ»da bir mavsum — 2018/2019 yilgi mavsumda o‘ynagan. Shu davr ichida u 25 uchrashuvda maydonga tushib, 25 ta gol o‘tkazib yubordi. Parij jamoasi safida u Fransiya chempionligi va Fransiya Superkubogini qo‘lga kiritgan, mavsum yakunida esa «Yuventus»ga qaytgan.
Eslatib o‘tamiz, Buffon 2006 yilda Italiya terma jamoasi bilan jahon chempioni bo‘lgan. Finalda «Skuadra adzurra» Fransiyani 1:1 hisobidagi durangdan so‘ng penaltilar seriyasida mag‘lub etgan.
“Zamin”ni Telegramʻda oʻqing!
