Yevropa Chempionlar ligasida «Kopengagen»ga qarshi uchrashuvda «Barselona» himoyachisi Erik Garsiya jarohat olib, o‘yin davomida almashtirildi. Bu haqda euro-football.ru xabar beradi.
25 yoshli futbolchi kataloniyaliklar safida asosiy tarkibda maydonga tushdi, biroq ikkinchi bo‘lim boshlanishi arafasida uning o‘rnini Mark Bernal egalladi. Barca Universal xabariga ko‘ra, bosh murabbiy Flik Garsiyani ehtiyot chorasi sifatida zaxiraga oldi — tanaffusgacha u bosh qismidan kuchli zarba olgan.
Birinci bo‘lim yakunida «Barselona» minimal hisobda ortda qolayotgan edi, ammo tanaffusdan keyin vaziyatni o‘zgartirdi: 48-daqiqada Robert Levandovski, 60-daqiqada Lamin Yamal va 69-daqiqada Rafinya Dias gol urib, jamoasiga 3:1 hisobidagi g‘alabani ta’minladi.
Qayd etilishicha, Erik Garsiya joriy mavsumda «Barselona» safida eng ko‘p o‘yin o‘tkazgan futbolchi bo‘lib turibdi — uning hisobida 33 ta uchrashuv bor.
“Zamin”ni Telegramʻda oʻqing!
