Krishtianu Ronaldu murabbiy bilan kelishuvga ko‘ra OFK Chempionlar ligasi 2 guruh bosqichi o‘yinlarida maydonga tushmayapti. Shunga qaramay, Al-Nasr yetakchisisiz ham barqaror natija ko‘rsatmoqda. Bu haqda euro-football.ru xabar beradi.
Chorshanba kuni Saudiya klubi guruhdagi beshinchi uchrashuvda ham g‘alaba qozondi: Tojikistonda Istiklol 4:0 hisobida yirik mag‘lub etildi. Bu natija Al-Nasrga guruhni birinchi o‘rinda yakunlab, keyingi bosqichga chiqishni ta’minladi.
O‘yindan so‘ng Ronaldu ijtimoiy tarmoqlarda Al-Nasrning birinchi o‘rin bilan keyingi bosqichga chiqqani haqidagi postni ulashdi va unga ikki emoji — olov hamda qarsaklar belgisini qo‘shdi.
40 yoshli Krishtianu Ronalduning Al-Nasr bilan amaldagi shartnomasi 2027 yil o‘rtalarigacha mo‘ljallangan.
“Zamin”ni Telegramʻda oʻqing!
