"Bavariya" yarim himoyachisi Leon Goretska Myunxen klubini tark etishi haqidagi mish-mishlarga munosabat bildirdi. Bu haqda euro-football.ru xabar beradi.
Futbolchining aytishicha, agar sharoitlar mos kelsa, u klubda qolishni xohlaydi. Goretska Myunxenni ajoyib shahar deb atadi va bu yerda o'zini erkin hamda qulay his qilishini ta'kidladi.
Shu bilan birga, u transfer ehtimolini ham inkor etmadi. Goretska faoliyati davomida chet elda o'ynash g'oyasi unga qiziqarli tuyulishini, avval ham bunday variantni ikki marta ko'rib chiqqani, biroq ongli ravishda rad etganini aytdi. Uning fikricha, xorijga yo'l olish shaxsiy rivojlanish uchun ham muhim qadam bo'lishi mumkin.
Eslatib o'tamiz, so'nggi xabarlarda Goretska Madridning "Atletiko" klubiga o'tishi mumkinligi tilga olinmoqda. "Matraschilar" uni "Tottenhem"ga ketgan Konor Gallagerni almashtirish variantlaridan biri sifatida ko'rmoqda.
“Zamin”ni Telegramʻda oʻqing!
