Germaniya chempionatining 21-turida «Haydenhaym» o'z maydonida «Gamburg»ni qabul qildi. Bu haqda euro-football.ru xabar beradi.
Uchrashuv boshida Niklas Dorsh hisobni ochishga yaqin keldi, biroq uning xavfli zarbasini darvozabon qaytardi. Birinchi bo'limga qo'shib berilgan daqiqalarda esa mehmonlar ustunligini golga aylantirdi: Ransford Konigsdorffer aniq zarba bilan hisobni ochdi.
Ikkinchi taymda Patrik Maynkaning bosh bilan yo'llagan zarbasi va darvozabonning chiroyli seyvi e'tiborda bo'ldi. Oradan bir daqiqa o'tib, «Gamburg» qarshi hujumda Fabiu Viyera pasidan keyin Rayan Filippni to'p bilan ta'minladi va hisob 0:2 ko'rinishini oldi.
Mezbonlar Stefan Shimmerning zarbasi bilan intriga qaytargandek bo'ldi, ammo VAR aralashuvidan so'ng gol bekor qilindi. Natijada «Haydenhaym» turnir jadvalining quyi qismida qolmoqda, «Gamburg» esa 11-o'rinda bormoqda.
“Zamin”ni Telegramʻda oʻqing!
