Argentina grandi «Boka Huniors» klubida sport direktori lavozimiga yangi nom tayinlandi: endilikda bu vazifani Marselo Delgado bajaradi. U klub prezidenti Xuan Rikelme bilan yaqin hamkorlikda ishlaydi. Bu haqda euro-football.ru xabar beradi.
Jamoa tarkibini tezroq kuchaytirishga ehtiyoj sezayotgani qayd etilmoqda. Shu sabab Delgado va Rikelme dueti transferlar va tarkibni mustahkamlash bo'yicha asosiy yo'nalishlarda faol ishlashi kutilmoqda.
Delgado futbolchilik davrida ham tanilgan: u 1995–2002 yillarda Argentina terma jamoasida 18 ta o'yin o'tkazgan va 1998 yilgi jahon chempionati bahslarida ham maydonga tushgan.
Shuningdek, 2003 yilda Delgado Libertadores Kubogida eng ko'p gol urgan futbolchilar qatoridan joy olgan. U bu borada «Santos» hujumchisi, braziliyalik Rikardo Oliveyra bilan birga turnir to'purari bo'lgan.
“Zamin”ni Telegramʻda oʻqing!
