Аргентина гранди «Бока Хуниорс» клубида спорт директори лавозимига янги ном тайинланди: эндиликда бу вазифани Марсело Делгадо бажаради. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини тезроқ кучайтиришга эҳтиёж сезаётгани қайд этилмоқда. Шу сабаб Делгадо ва Рикелме дуэти трансферлар ва таркибни мустаҳкамлаш бўйича асосий йўналишларда фаол ишлаши кутилмоқда.
Делгадо футболчилик даврида ҳам танилган: у 1995–2002 йилларда Аргентина терма жамоасида 18 та ўйин ўтказган ва 1998 йилги жаҳон чемпионати баҳсларида ҳам майдонга тушган.
Шунингдек, 2003 йилда Делгадо Либертадорес Кубогида энг кўп гол урган футболчилар қаторидан жой олган. У бу борада «Сантос» ҳужумчиси, бразилиялик Рикардо Оливейра билан бирга турнир тўпурари бўлган.
“Zamin”ни Telegram'да ўқинг!
