Argentinaning “Boka Xuniors” klubi yangi sport direktori kim bo‘lishini rasman e’lon qildi: bu lavozimni Marselo Delgado egalladi. U klub prezidenti Xuan Rikelme bilan yaqin hamkorlikda ishlaydi. Bu haqda euro-football.ru xabar beradi.
Jamoa tarkibini tez fursatda kuchaytirish zarurati bor, shu sabab Delgado va Rikelme tandemi transferlar hamda kadrlar siyosati bo‘yicha faol ish olib borishi kutilmoqda.
Delgado futbolchilik faoliyatida ham yaxshi iz qoldirgan: u Argentina terma jamoasida 1995–2002 yillarda 18 o‘yin o‘tkazgan va 1998 yilgi jahon chempionatida ham maydonga tushgan.
Shuningdek, 2003 yilda u Libertadores kubogida eng sermahsul futbolchilardan biri bo‘lgan — “Santos” hujumchisi Rikardo Oliveyra bilan birga turnir to‘purarlari qatoridan joy olgan.
“Zamin”ni Telegramʻda oʻqing!
