Аргентинанинг «Бока Хуниорс» клуби янги спорт директори ким бўлишини расман эълон қилди: бу лавозимни Марсело Делгадо эгаллади. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини тез фурсатда кучайтириш зарурати бор, шу сабаб Делгадо ва Рикелме тандемининг трансферлар ҳамда кадрлар сиёсати бўйича фаол иш олиб бориши кутилмоқда.
Делгадо футболчилик фаолиятида ҳам яхши из қолдирган: у Аргентина терма жамоасида 1995–2002 йилларда 18 ўйин ўтказган ва 1998 йилги жаҳон чемпионатида ҳам майдонга тушган.
Шунингдек, 2003 йилда у Либертадорес кубогида энг сермаҳсул футболчилардан бири бўлган — «Сантос» ҳужумчиси Рикардо Оливейра билан бирга турнир тўпурарлари қаторидан жой олган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
