Myunxenning «Bavariya» klubi hujumchisi Garri Keyn jamoani mavsumning hal qiluvchi qismiga yaqinlashayotgani haqida fikr bildirdi. Myunxenliklar ayni paytda uchta musobaqada birdek kurash olib bormoqda. Bu haqda euro-football.ru xabar beradi.
Keynning aytishicha, Bundesligada ikkinchi o‘rindagi raqibdan sezilarli farq bor, biroq bu ustunlik tezda kamayib ketishi ham mumkin. «O‘tgan haftadagi voqealar buni yana bir bor ko‘rsatdi», — deya futbolchining so‘zlarini klub rasmiy sayti keltirdi.
Hujumchi mavsum boshidan beri maqsad fevral-mart oylariga kelib tarkibda jarohatlar ko‘paymagan, yuqori pog‘onalarda turgan holatda yetib kelish bo‘lganini urg‘uladi. «Bavariya» hozir ham turnir jadvalida peshqadam, Germaniya Kubogida kurashni davom ettirmoqda va Chempionlar ligasida chorak finalga chiqqan — Keyn buni jamoa uchun ijobiy signal, deb baholadi.
Unga ko‘ra, endi mavsumning “asosiy” qismi boshlanadi: jamoa mehnatni yanada kuchaytirishi va kim «Bavariya»ni quvib yetishga qodirligini amalda ko‘rishi kerak.
Hozirda «Bavariya» hisobida 54 ochko bor, Dortmundning «Borussiya»si esa 48 ochko jamg‘argan. Keyn Bundesligada 24 gol bilan to‘purarlar poygasida yetakchilik qilmoqda.
“Zamin”ni Telegramʻda oʻqing!
