Мюнхеннинг «Бавария» клуби ҳужумчиси Гарри Кейн жамоа мавсумнинг ҳал қилувчи қисмига яқинлашаётгани ҳақида фикр билдирди. Мюнхенликлар айни пайтда учта мусобақада бирдек кураш олиб бормоқда. Бу ҳақда euro-football.ru хабар беради.
Кейннинг айтишича, Бундеслигада иккинчи ўриндаги рақибдан сезиларли фарқ бор, бироқ бу устунлик тезда камайиб кетиши ҳам мумкин. «Ўтган ҳафтадаги воқеалар буни яна бир бор кўрсатди», — дея футболчининг сўзларини клуб расмий сайти келтирди.
Ҳужумчи мавсум бошидан бери мақсад феврал-март ойларига келиб таркибда жароҳатлар кўпаймаган, юқори поғоналарда турган ҳолатда етиб келиш бўлганини урғулади. «Бавария» ҳозир ҳам турнир жадвалида пешқадам, Германия Кубогида курашни давом эттирмоқда ва Чемпионлар лигасида чорак финалга чиққан — Кейн буни жамоа учун ижобий сигнал, деб баҳолади.
Унга кўра, энди мавсумнинг “асосий” қисми бошланади: жамоа меҳнатни янада кучайтириши ва ким «Бавария»ни қувиб етиб олишга қодирлигини амалда кўриши керак.
Ҳозирда «Бавария» ҳисобида 54 очко бор, Дортмунднинг «Боруссия»си эса 48 очко жамғарган. Кейн Бундеслигада 24 гол билан тўпурарлар пойгасида етакчилик қилмоқда.
“Zamin”ни Telegram'да ўқинг!
