Amerikaning «Chikago Fayr» klubi bosh murabbiyi Gregg Berhalter «Barselona» hujumchisi Robert Levandovskining ehtimoliy transferi yuzasidan munosabatini bildirdi. Bu haqda euro-football.ru xabar beradi.
Mutaxassis muzokaralar tafsilotiga kirishishni istamasligini aytib, polshalik forvardning darajasini alohida ta'kidladi: u top-5 ligalarda so'nggi 15 yil ichida eng ko'p gol urgan futbolchi ekanini eslatdi. Berhalterga ko'ra, Levandovski qaysi jamoada o'ynamasin, doim yuqori saviyasini isbotlaydi va u anchadan beri futbolchining muxlisi.
Avvalroq OAVda «Chikago Fayr» Levandovskiga ikki yillik shartnoma taklif qilayotgani haqida xabarlar tarqalgan edi.
Levandovskining «ko'k-anorranglilar» bilan amaldagi kelishuvi 2025/2026 yilgi mavsum yakunida tugaydi.
“Zamin”ni Telegramʻda oʻqing!
