Al-Nasrda Krishtianu Ronaldu bilan bogʻliq vaziyat ortidan navbatdagi kadrlar oʻzgarishi kuzatildi. Arriyadiyah xabariga koʻra, klub direktorlar kengashi raisi Muhammad al-Skit lavozimini tark etish haqida ariza berdi. Bu haqda euro-football.ru xabar beradi.
Manbada aytilishicha, funksioner isteʼfosini shaxsiy sabablarga bogʻlagan, biroq tafsilotlarni ochiqlamagan.
Avvalroq Al-Nasr Ronalduga yaqin hisoblangan portugaliyaliklar — Jozé Semedu va Simao Koutinyo vakolatlarini qayta tiklagani haqida xabarlar tarqalgan edi. Shuningdek, yulduz hujumchiga klub ichidagi muammolarni tartibga solish bo‘yicha vaʼdalar berilgani aytiladi.
Qayd etilishicha, Al-Nasr boshqaruv tizimidagi o‘zgarishlar davom etadi. Jamoa hozir turnir jadvalida ikkinchi o‘rinda bormoqda.
“Zamin”ni Telegramʻda oʻqing!
