«Ал-Наср»да Криштиану Роналду билан боғлиқ вазият ортдан навбатдаги кадрлар ўзгариши кузатилди. Arriyadiyah хабарига кўра, клуб директорлар кенгаши раиси Муҳаммад ал-Скит лавозимини тарк этиш ҳақида ариза берди. Бу ҳақда euro-football.ru хабар беради.
Манбада айтилишича, функционер истеъфосини шахсий сабабларга боғлаган, бироқ тафсилотларни очиқламаган.
Аввалроқ «Ал-Наср» Роналдуга яқин ҳисобланган португалияликлар — Жозе Семеду ва Симао Коутиньо ваколатларини қайта тиклагани ҳақида хабарлар тарқалган эди. Шунингдек, юлдуз ҳужумчига клуб ичидаги муаммоларни тартибга солиш бўйича ваъдалар берилгани айтилади.
Қайд этилишича, «Ал-Наср» бошқарув тизимидаги ўзгаришлар давом этади. Жамоа ҳозир турнир жадвалида иккинчи ўринда бормоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
