Germaniya chempionatining 22-turi Dortmundda start oldi: “Borussiya” “Maynts”ni qabul qildi. Uchrashuv boshidayoq “shmel”lar tashabbusni qo'lga olib, raqibni bosim ostida qoldirdi. Bu haqda euro-football.ru xabar beradi.
10-daqiqada Yulian Ryerson ketma-ket uchta golli uzatmasidan birinchisini amalga oshirdi — Seru Girassi bosh bilan aniq zarba berib hisobni ochdi. Oradan besh daqiqa o'tib, Ryersonning navbatdagi uzatmasini Maksimilian Bayer yakunlab, farqni ikkitaga yetkazdi. Tanaffus arafasida yana Ryerson–Girassi tandemi ish berdi: hujumchi ikkinchi bor gol urib, 3:0 ni rasmiylashtirdi.
Ikkinchi bo'limda “Maynts” darvozaboni bir necha bor jamoasini qutqarishga urinib ko'rdi: avval Feliks Nmechining xavfli zarbasini qaytardi, burchakdan keyin Sheraldo Beker urgan to'pni ham ushlab qoldi. Biroq 84-daqiqada Ryerson ijro etgan navbatdagi kornerdan so'ng to'p Dominik Kor orqali o'z darvozasiga kirib ketdi — avtogol va 4:0.
Yirik g'alabadan keyin “Borussiya” peshqadam “Bavariya”dan atigi uch ochko ortda qolmoqda. “Maynts” esa turnir jadvalining quyi qismida, pastdan beshinchi o'rinda.
“Zamin”ni Telegramʻda oʻqing!
