Madridning “Real” klubi darvozaboni Tibo Kurtua Yevropa Chempionlar ligasida “Benfika”ga qarshi bo'ladigan to'qnashuv arafasida o'z fikrlarini aytdi. Bu haqda euro-football.ru xabar beradi.
Jamoalar umumiy bosqichning so'nggi turida ham uchrashgan, o'shanda “qirollik klubi” uchun o'yin omadsiz yakunlangan edi: 2:4 hisobidagi mag'lubiyat “Real”ni 1/8 finalga to'g'ridan-to'g'ri yo'llanmadan mahrum qilgandi. Endi esa Alvaro Arbeloa jamoasini pley-offning stykov bosqichida yana “burgutlar”ga qarshi sinov kutmoqda.
Kurtuaning ta'kidlashicha, Lissabondagi o'sha uchrashuv nihoyatda og'ir kechgan: bu stadionda g'alaba qozonish oson emas. Shunga qaramay, darvozabon “Real” o'sha kuni eng yaxshi o'yinini ko'rsatmaganini tan olib, jamoa xatolardan kerakli xulosa chiqarganini va bu safar vaziyat butunlay boshqacha bo'lishiga ishonchini bildirdi. Uning aytishicha, buning sababi — oldinda “Bernabeu”dagi javob bahsi borligini futbolchilar yaxshi anglab turibdi.
Ilk o'yin 17-fevral kuni Lissabonda, javob uchrashuvi esa 25-fevral kuni Madridda bo'lib o'tadi.
“Zamin”ni Telegramʻda oʻqing!
