Xans-Diter Flik “Barselona” bilan uzoq muddatli reja tuzdi
«Barselona» klubi va bosh murabbiy Hans-Dieter Flik o‘rtasida shartnomani 2028-yilgacha uzaytirish bo‘yicha og‘zaki kelishuvga erishildi. Klub qo‘shimcha bir yillik optsiya kiritishni ham rejalashtirgan, biroq mutaxassis yangi hujjatga imzo chekishga shoshilmayapti. Flik mavsum yakunigacha kutib, qarorni jamoaning sport natijalaridan kelib chiqib qabul qilmoqchi. Hozirda nemis mutaxassisi boshchiligidagi jamoa La Ligada peshqadamlik qilmoqda.
Ispaniyaning “Barselona” klubi va bosh murabbiyi Xans-Diter Flik o‘rtasida shartnomani 2028 yilgacha uzaytirish bo‘yicha og‘zaki kelishuvga erishildi. Bu haqda Mundo Deportivo xabar berdi.
Manba maʼlumotlariga ko‘ra, klub murabbiy bilan hamkorlikni yana-da uzaytirish niyatida bo‘lib, shartnomaga 2028/29 mavsumi uchun qo‘shimcha bir yillik opsiya kiritishni ham rejalashtirgan. Ushbu band muayyan sport natijalari bajarilgan taqdirda avtomatik ravishda kuchga kirishi mumkin.
Hozirgi amaldagi kelishuvga ko‘ra, nemis mutaxassisi 2027 yilgacha klubda qolishi belgilangan. Biroq Flik hozircha yangi shartnomaga qo‘l qo‘yishni shoshmayapti.
U mavsum yakunigacha kutmoqchi, chunki hozir “Barselona” La Ligada chempionlik uchun kurashning qizg‘in pallasida turibdi. Jamoa esa eng yaqin raqibidan 9 ochko farq bilan peshqadamlik qilmoqda.
Flikning pozitsiyasi shundan iboratki, u qaror shoshma-shosharlik bilan qabul qilinmasligini istaydi. Murabbiy klub rahbariyati har qanday uzaytirish qarorida to‘liq ishonchga ega bo‘lishini muhim deb hisoblaydi.
Shu tariqa, “Barselona” kelajagi atrofidagi eng muhim masalalardan biri hozircha mavsum yakunigacha muzlatilgan holda turibdi.
Izohlar 0
…