Lionel Messi kelasi yozda Argentina terma jamoasi safida 2026 yilgi Jahon chempionatida maydonga tushmasligi ehtimoldan xoli emas. The Touchline xabariga ko‘ra, 38 yoshli futbolchi mundialda umuman o‘ynamaslik variantini ham ko‘rib chiqmoqda. Bu haqda euro-football.ru xabar beradi.
Manbada aytilishicha, barchasi hujumchining jismoniy holatiga bog‘liq bo‘ladi. Messi o‘zini 100 foiz tayyorlikdan hatto 1 foiz pastroq sezsa ham, Jahon chempionatiga bormaslikka qaror qilishi mumkin.
Messi MLSdagi raqobat darajasi mundialga maksimal sport formasida yetib borish uchun yetarli emas, deb hisoblaydi. Argentina sardori shu sababli bu kamchilikni to‘liq jismoniy tayyorgarlik bilan qoplash kerakligini yaxshi tushunadi.
2026 yilgi Jahon chempionatida Argentina amaldagi chempion sifatida o‘z titulini himoya qiladi. O‘tgan mundial finalida “albiseleste” Fransiyani 3:3 hisobidagi durangdan so‘ng penaltilar seriyasida mag‘lub etgandi.
“Zamin”ni Telegramʻda oʻqing!
