Italiya A Seriyasida kuchli beshlikka yaqinlashib kelayotgan "Komo" shanba kuni o'z maydonida autsayderlar safidagi "Fiorentina"ni qabul qildi. Bu haqda euro-football.ru xabar beradi.
Uchrashuvning birinchi bo'limi o'rtalarida mehmonlar hisobni ochdi: Nikolo Fadjoli avval himoyachiga tekkan zarba berdi, biroq qaytgan to'pni ikkinchi urinishda aniq yakunlab, "Fiorentina"ni oldinga olib chiqdi — 0:1.
54-daqiqada florensiyaliklar ustunlikni oshirdi. Moyze Kin penaltini sovuqqonlik bilan ijro etdi: to'p burchakka yo'l oldi, darvozabon esa joyidan qimirlamadi — 0:2. Oradan ko'p o'tmay Martin Baturina uzoqdan zarba berib, to'pni darvoza ustuniga yaqin joydan o'tkazib yubordi.
70-daqiqada "Fiorentina" bosh murabbiyi Paolo Vanoli hakamga aytilgan gaplari uchun maydondan chetlatildi. Shundan keyin "Komo" bosimi kuchaydi: Alvaro Morata bosh bilan yo'llagan to'p Fabiano Pariziga tegib, darvozaga kirib ketdi — 1:2. Yakunda Morata janjalli vaziyatda ishtirok etib, qizil kartochka oldi.
G'alabaga qaramay, "Fiorentina" turnir jadvalida pastki uchlikda qolmoqda. "Komo" esa oltinchi o'rinni egallab turibdi.
“Zamin”ni Telegramʻda oʻqing!
