Kaliforniyada uchuvchisiz avtomobillarni jarimaga tortishga rasman ruxsat berildi. Mahalliy transport vositalari departamenti umumiy foydalanishdagi yo'llarda harakatlanuvchi avtonom mashinalar bo'yicha qoidalarga o'zgartirish kiritdi. Bu haqda Ixbt.com xabar beradi.
Yangi qoidalarga ko'ra, uchuvchisiz mashinalarni yo'lga chiqarishga mas'ul kompaniyalar favqulodda xizmatlar chaqiruviga 30 soniya ichida javob qaytarishi shart. Shuningdek, politsiya xodimlari qoidabuzar mashinalar uchun bevosita operator-kompaniyalarga jarima yozish huquqiga ega bo'ldi.
Avvalgi qonunchilik uchuvchisiz avtomobilni jarimaga tortish imkonini bermas edi. Bundan tashqari, operator kompaniya xodimlariga nisbatan talablar kuchaytirildi.
Endilikda ular avtonom transport vositasini boshqarishdan oldin maxsus litsenziya va ruxsatnomalarni olishi talab etiladi.
“Zamin”ni Telegramʻda oʻqing!
