Argentina grandi “Boka Xuniors” klubning yangi sport direktori kim bo‘lishini ma’lum qildi. Bu lavozimga Marselo Delgado tayinlandi. U klub prezidenti Xuan Rikelme bilan yaqin hamkorlikda ishlaydi. Bu haqda euro-football.ru xabar beradi.
Jamoa yaqin muddatda tarkibni kuchaytirishga muhtoj. Shuning uchun Rikelme va Delgado oldida transfer bozorida tezkor va aniq qarorlar qabul qilish vazifasi turibdi.
Marselo Delgado futbolchilik faoliyatida ham tanilgan shaxs: u Argentina terma jamoasi safida 1995–2002 yillarda 18 uchrashuv o‘tkazgan va 1998 yilgi jahon chempionatida ham ishtirok etgan.
Delgado 2003 yilda Libertadores kubogida eng ko‘p gol urgan futbolchilar qatoriga kirgan. U bu ko‘rsatkich bo‘yicha “Santos” hujumchisi Rikardo Oliveyra bilan bir xil natija qayd etgan.
“Zamin”ni Telegramʻda oʻqing!
