Аргентина гранди «Бока Хуниорс» клубнинг янги спорт директори ким бўлишини маълум қилди. Бу лавозимга Марсело Делгадо тайинланди. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа яқин муддатда таркибни кучайтиришга муҳтож. Шунинг учун Рикелме ва Делгадо олдида трансфер бозорида тезкор ва аниқ қарорлар қабул қилиш вазифаси турибди.
Марсело Делгадо футболчилик фаолиятида ҳам танилган шахс: у Аргентина терма жамоаси сафида 1995–2002 йилларда 18 учрашув ўтказган ва 1998 йилги жаҳон чемпионатида ҳам иштирок этган.
Делгадо 2003 йилда Либертадорес кубогида энг кўп гол урган футболчилар қаторига кирган. У бу кўрсаткич бўйича «Сантос» ҳужумчиси Рикардо Оливейра билан бир хил натижа қайд этган.
“Zamin”ни Telegram'да ўқинг!
