"Yuventus" afsonasi Alessandro Del Pyero "Inter" bosh murabbiyi Kristian Kivuning o‘yindan keyingi bayonotlariga munosabat bildirdi. Bu haqda euro-football.ru xabar beradi.
"Neradzurrilar" ustozi epizod markazida qolgan Alessandro Bastonini himoya qildi: u Per Kalulyuning maydondan chetlatilishida vaziyatni bo‘rttirib ko‘rsatganlikda ayblangandi. Ruminiyalik mutaxassisning ta’kidlashicha, hatto to‘qnashuv uncha kuchli bo‘lmagan taqdirda ham, "Yuventus" himoyachisi sariq kartochkasi borligini unutmay, ancha ehtiyotkorroq harakat qilishi kerak edi.
Del Pyero esa Kivudan bunday yondashuvni kutmagani, "Inter" esa bunday "sovg‘a"larga muhtoj emasligini aytdi. Uning fikricha, chempionatdagi eng kuchli jamoa g‘alabani shov-shuvli va ishonchli o‘yin bilan qo‘lga kiritishni istaydi, bahsli epizodlar ortidan emas. Bu so‘zlarni jurnalist Nikolo Skira keltirdi.
Eslatib o‘tamiz, uchrashuvda "Inter" "Yuventus"ni 3:2 hisobida mag‘lub etdi, g‘alaba to‘pi 90-daqiqada urildi.
“Zamin”ni Telegramʻda oʻqing!
