Argentina grandi “Boka Xuniors” klubida sport direktori almashdi: bu lavozimga Marselo Delgado tayinlandi. Klub ma’lumotiga ko‘ra, u jamoa prezidenti Xuan Rikelme bilan yaqin hamkorlikda ishlaydi. Bu haqda euro-football.ru xabar beradi.
“Boka” hozir tarkibni tez fursatda kuchaytirishga muhtoj. Shu sabab Delgado va Rikelme transferlar hamda jamoani mustahkamlash masalalarida birgalikda faol ish olib borishi kutilmoqda.
Delgado futbolchilik faoliyatida ham yuqori darajada o‘ynagan: u Argentina terma jamoasida 1995–2002 yillarda 18 ta uchrashuvda maydonga tushgan va 1998 yilgi jahon chempionatida ham ishtirok etgan.
Shuningdek, u 2003 yilda Libertadores kubogida eng yaxshi to‘purarlar qatoridan joy olgan — bu natijani “Santos” hujumchisi, braziliyalik Rikardo Oliveyra bilan birga qayd etgan.
“Zamin”ni Telegramʻda oʻqing!
