Аргентина гранди «Бока Хуниорс» клубида спорт директори алмашди: бу лавозимга Марсело Делгадо тайинланди. Клуб маълумотига кўра, у жамоа президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
«Бока» ҳозир таркибни тез фурсатда кучайтиришга муҳтож. Шу сабаб Делгадо ва Рикелме трансферлар ҳамда жамоани мустаҳкамлаш масалаларида биргаликда фаол иш олиб бориши кутилмоқда.
Делгадо футболчилик фаолиятида ҳам юқори даражада ўйнаган: у Аргентина терма жамоасида 1995–2002 йилларда 18 та учрашувда майдонга тушган ва 1998 йилги жаҳон чемпионатида ҳам иштирок этган.
Шунингдек, у 2003 йилда Либертадорес кубогида энг яхши тўпурарлар қаторидан жой олган — бу натижани «Сантос» ҳужумчиси, бразилиялик Рикардо Оливейра билан бирга қайд этган.
“Zamin”ни Telegram'да ўқинг!
