Rimning “Roma” klubi sobiq sardori Franchesko Totti portugaliyalik murabbiy Joze Mourinyo bilan birga ishlash imkoniyati bo‘lmagani uchun afsus bildirganini aytdi. Mourinyo yaqinda “Roma”ni boshqargan bo‘lsa-da, Totti uchun bu davr allaqachon dolzarb emas edi — afsona hujumkor yarim himoyachi 2017 yilda futbolchilik faoliyatini yakunlagan. Bu haqda euro-football.ru xabar beradi.
Tottining fikricha, u Mourinyo qo‘l ostida o‘z imkoniyatlarini yanada to‘liqroq ochib bera olardi. “U ochiqko‘ngil, futbolchilarga maydonda erkinlik beradi, deyishgan. Eng muhimi, u jamoani a’lo darajada boshqara oladi: tarkibda yulduzlar ko‘p bo‘lsa, ularni shunchaki mashq qildirish emas, boshqarish ham kerak”, — deya Tottining so‘zlarini fcinter1908.it keltiradi.
Eslatib o‘tamiz, hozir “Roma” A Seriyada 5-o‘rinda bormoqda.
“Zamin”ni Telegramʻda oʻqing!
