Римнинг “Рома” клуби собиқ сардори Франческо Тотти португалиялик мураббий Жозе Моуриньо билан бирга ишлаш имконияти бўлмагани учун афсус билдирганини айтди. Моуриньо яқинда “Рома”ни бошқарган бўлса-да, Тотти учун бу давр аллақачон долзарб эмас эди — афсона ҳужумкор ярим ҳимоячи 2017 йилда футболчилик фаолиятини якунлаган. Бу ҳақда euro-football.ru хабар беради.
Тоттининг фикрича, у Моуриньо қўл остида ўз имкониятларини янада тўлиқроқ очиб бера оларди. “У очиқкўнгил, футболчиларга майдонда эркинлик беради, дейишган. Энг муҳими, у жамоани аъло даражада бошқара олади: таркибда юлдузлар кўп бўлса, уларни шунчаки машқ қилдириш эмас, бошқариш ҳам керак”, — дея Тоттининг сўзларини fcinter1908.it келтиради.
Эслатиб ўтамиз, ҳозир “Рома” А Серияда 5-ўринда бормоқда.
“Zamin”ни Telegram'да ўқинг!
